Fövqəladə Hallar Nazirliyi mətbuat xidmətinin verdiyi məlumata görə, Bakı şəhərinin Səbail rayonunda ümumi sahəsi 200 m² olan birmərtəbəli 9 otaqlı evin dam örtüyünün yanar konstruksiyaları və ev əşyaları 20 m² sahədə yanıb. Yanğın mühafizə bölmələri tərəfindən söndürülüb. Evin qalan hissəsi yanğından mühafizə olunub.
Xətai rayonunda isə ümumi sahəsi 30 m² olan talvarın taxta atmaları, altına yığılan karton və taxta tullantıları yanıb. Yüksək temperaturdan yaxınlıqdakı “Fiat” markalı minik avtomobilinin 1 ədəd ön farası, buferi və güzgüsü əriyib, 1 qapısı qarsalanıb. Yanğın söndürülüb. Avtomobilin qalan hissəsi və yaxınlıqdakı avtoservis yanğından mühafizə olunub.
P.ƏMİRCANOV
XQ
.jpg)
