Naxçıvan

Novruz bayramı ərəfəsində Azər­baycan Həmkarlar İttifaqları Konfe­derasiyası ölkənin digər bölgələri ilə yanaşı, Naxçıvan Muxtar Respubli­kasının şəhər və rayonlarında yaşa­yan aztəminatlı, şəhid, qazi və digər həssas qruplardan olan 1200 ailəyə 6 avtomobil karvanı ilə ərzaq bağlama­larından ibarət yardım çatdırıb.

AHİK sədri Səttar Möhbalıyev “Nax­çıvan qaziləri” İctimai Birliyində keçirilən görüşdə Vətənə Zəfər qazandıran igid oğulları el bayramı münasibətilə təbrik edib, onların çətinlik və ehtiyaclarının daim həmkarlar ittifaqlarının diqqətin­də olduğunu bildirib. Qazilər göstərilən hərtərəfli qayğı və ehtiramdan razılıqları­nı ifadə ediblər. 

Sonra muxtar respublikada yaşayan 119 qazi ailəsinə ərzaq yardımı paylanı­lıb.

Sumqayıt

Bu il şəhər statusu almasının 75 illiyi qeyd olunan Sumqayıtda­kı “Kimyaçı” Mədəniyyət Sarayının qarşısındakı meydanda əsl qələbəlik vardı. Hamı yüksək əhval-ruhiyyə ilə milli-mənəvi irsi, bolluq, bərəkət və xeyirxahlığı təcəssüm etdirən Novruz şənliyinə toplaşmışdı.

Şəhər icra hakimiyyətinin başçısı Za­kir Fərəcov və digər rəsmilər də sakinləri təbrik etmək üçün şənliyə qatılıblar. Bay­ram tonqalı yandırıldıqdan sonra Dədə Qorqud və Bahar Qız camaata xeyir-dua veriblər. Novruzun xalqımıza uğur, bol ruzi-bərəkət gətirməsi arzulanıb. Milli geyimli uşaqlar meydanda rəqs edib­lər. Novruzun personajları olan Kosa və Keçəlin iştirakı ilə qədim xalq rəqsləri və oyunlar mərasim iştirakçıları tərəfindən maraqla qarşılanıb.

Mingəçevir

“Nur şəhəri”ndə silsilə Novruz şənlikləri yaddaqalan olub. 

Qarabağ müharibəsi əlillərinə və şə­hid ailələrinə, ümumilikdə, 505 ailəyə bayram sovqatları verilib. El bayramı ilə əlaqədar olaraq, “Yaşıl dünya naminə həmrəylik ili” çərçivəsində şəhərdə ağa­cəkmə aksiyası keçirilib. Boş olan əra­zilərə 330 ədəd müxtəlif növ dekorativ və meyvə ağacı, 3 min ədəd dekorativ çiçək əkilərək suvarılıb. Ərazilərdə təmizlik və abadlıq işləri görülüb.

Lənkəran 

“Cənub mirvarisi”ndə şəhər icra hakimiyyəti və Regional Asan Xid­mət Mərkəzinin birgə təşkilatçılığı ilə “Asançıların Novruz Festivalı” keçiri­lib.

Bayram tonqalı yandırıldıqdan son­ra adət-ənənələrini özündə əks etdirən sərgiyə baxış keçirilib. Eyni zamanda, bölgədə istehsal olunan kənd təsərrüfatı və yüngül sənaye məhsullarından ibarət sərgi də nümayiş etdirilib. Yerli mədə­niyyət ocaqlarının təqdim etdikləri milli rəqslərimiz, folklor nümunələri, məktəb­lilərın hazırladıqları idman nömrələri ma­raqla izlənib. Dünən axşam isə rayonun Gərmətük qəsəbəsində yerləşən “Şah sarayı”nda şəhid ailələri və II Qarabağ müharibəsinin qaziləri üçün şənlik keçi­rilib, onlara bayram sovqatları və maddi yardımlar verilib. 

Qeyd edək ki, bir gün əvvəl də 2024-cü ilin Gənclər Paytaxtı Lənkəran­da Novruz festivalı keçirilib. 

Abşeron

Bayram münasibətilə Abşeron ic­timaiyyətinin nümayəndələri Heydər Əliyev adına Mədəniyyət və İstirahət Parkında toplaşıblar.

İstirahət mərkəzinin bütün guşələri bayram atributları, məktəblər və bağça­ların stendləri ilə bəzədilib. Dədə Qorqud və Bahar Qız yazın gəlişini müjdə ver­məklə abşeronluların əhval-ruhiyyəsinə məxsusi bayram ovqatı qatıblar. Novru­zun əsas atributları olan Keçəl və Kosa uşaqları əyləndirib, məzhəkələr göstərib­lər. 

Xalqımızın qədim milli ənənələri ilə bağlı hazırlanan ədəbi-bədii kompozisi­yaları, folklor kollektivlərinin çıxışlarını, xalçalardan, digər əl işlərindən ibarət sərgiləri, milli mətbəximizin ləziz təamla­rını bayram iştirakçıları rəğbətlə qarşıla­yıblar. 

Salyan

Şəhərin mərkəzi meydanında xe­yirxahlıq, birlik və həmrəylik kimi gözəl ənənələri əks etdirən Novruz bayramı münasibətilə ümumrayon tədbiri keçirilib. 

Şənlikdə çoxəsrlik maddi-mədəni ir­simizi özündə əks etdirən eksponatlar, milli folklor nümunələri, qədim məişət əşyaları, kitab, rəsm və digər sərgilər nü­mayiş etdirilib. İştirakçılara xalqımızın əs­rlər boyu qoruyub saxladığı milli-mənəvi dəyərləri ifadə edən səhnələr, milli mət­bəximizin, xalq yaradıcılığının gözəl nü­munələri təqdim olunub. Novruz bayra­mının personajları olan Bahar Qız, Kosa və Keçəl maraqlı çıxışları ilə tədbirdə xoş ovqat yaradıblar. Tədbirdə şəhid validey­nlərinin iştirakı ilə bayram tonqalı yandı­rılıb. Ulu Dədə Qorqud qəlblərə sevinc, fərəh və təravət gətirən Novruz münasi­bətilə rayon sakinlərini təbrik edib, onlara xoş arzularını çatdırıb. Bayram tədbirin­də rayon sahibkarlarının və fermerlərinin istehsal etdikləri müxtəlif çeşidli kənd təsərrüfatı və qənnadı məhsullarının sa­tış-yarmarkası təşkil olunub. 

Şamaxı

Novruzun gəlişini şamaxılılar da yüksək əhval-ruhiyyə ilə qarşılayırlar.

Bayram münasibəti ilə rayonun Heydər Əliyev adına Mədəniyyət və İsti­rahət Parkında şənlik təşkil olunub. Şən­lik iştirakçıları xalqımıza məxsus qədim məişət əşyaları və sənət nümunələri, eləcə də uşaqların əl işlərindən ibarət sərgilərlə tanış olublar. Onlara çeşidli milli yemək növləri və şirniyyatlar təqdim edilib. 

Bayram tədbirində ənənəyə uyğun olaraq tonqal qalanıb. İncəsənət ustaları, bədii özfəaliyyət kollektivləri çıxış edib, rəqqaslar milli musiqinin sədaları altında oynaq rəqslər ifa ediblər.

Bölgələrdə bayram təntənələri bu gün də davam edəcək.

Ə.DOSTƏLİ
XQ