İydə şoran torpaqlarda da bitən qeyri-adi bitkinin meyvəsidir. O, bir çox fəsadlarda təsirli olması ilə tanınır. Belə ki, iydə yemək böyrək xəstəliklərindən əziyyət çəkənlərə faydalıdır. Böyrək daşlarının müalicəsində iydə çiçəklərindən dəmlənmiş çayın təsiri böyükdür.

Mütəxəssislər iydənin bir sıra faydalarını açıq­layıblar. Onların fikrincə, tərkibində C vitamini olan iydə soyuqdəymə, qrip və digər xəstəliklərdən qo­runmağa kömək edir. Həzm sisteminə faydalıdır, mədə şişkinliyini aradan qaldırır, ürəkbulanma və qusma zamanı kömək edir. Qaynadıb suyunu içdik­dən az sonra ishal dayanır. 

Tərkibindəki Omeqa-7 yağı dərini nəmləndirir və bərpa edir. Saç köklərindəki hüceyrələrin ye­nilənməsi üçün də faydası var. Yanıq və sağalma­yan yaralarda, həmçinin ekzema zamanı istifadə edilir. Göz quruluğunu aradan qaldırır.

İydədəki antioksidantlar bədəndən toksinləri çıxarır və immuniteti gücləndirir. Həmçinin ürək-da­mar sistemi xəstəliklərindən, mədə və bağırsaq xoralarından, yaşlanmadan, iltihabdan, xərçəngin təsirindən qoruyur.

Hər bir qida kimi iydənin də bəzi əks-təsirləri var. Həddən artıq istehlakı qəbizliyə səbəb olur. Ona görə də iydə yedikdən sonra çoxlu su içmək la­zımdır. Meyvə ağız quruluğuna səbəb olduğundan gündə 3–5 ədəddən artıq yemək məsləhət deyil.

Z.HÜSEYNLİ
XQ