GÜZGÜ
Hərə bir şəkil asdı
yaxandan.
Hamı boylanıb baxdı
yaxından.
Çatlayarsan,
sınarsan
gözlərimin ahından.
Paşa güzgü,
Xan güzgü,
Üzünə üz bağlayıb,
Üzümə baxan güzgü.
Gülnarə CƏMALƏDDİN
* * *
AÇAR CİNGİLTİSİ
...hardasa uzaqlarda bir ev
itmiş adamlarını gözləyir,
adamlar itmiş açarlarını
axtarır...
(açarlar bağlı qapıların
azadlıq ümidi,
itmiş adamların
tapılmaq sevinci...)
Həsrətin bətni dolub,
açar cingiltisi eşidilir.
uzaqdan...
Sevinc QƏRİB
.jpeg)
.jpg)