Türkiyəli dietoloq Canan Karatay tövsiyə edir ki, orqanizmə xeyirli qidalardan olan fındığın qabıqları da şəfalıdır. O, müsahibəsində çayın və fındığın insan sağlamlığı üçün çox faydalı olduğunu vurğulayaraq “Şəkər əlavə etmədən çoxlu çay için, fındıq yeyin”, – deyə bildirib.

Onun sözlərinə görə, fındıq mi­nerallar, vitaminlər, karbohidratlar və Omeqa-3 ilə zəngindir. Bundan əlavə, fındığın qabığından hazırlanmış çay özündə ən güclü antioksidantları ehti­va edir. Qaraciyər xəstəliklərində fay­dalıdır. Yoğun bağırsaq və uşaqlıq yo­lunun iltihabına qarşı yaxşı təsir edir.

Fındıq qabıqlarının qaynadılıb su­yunun içilməsi soyuqdəymə və qripə xeyirlidir. Öskürəyi dayandırır, mal­yariya və epilepsiya zamanı xəstə­nin halını yaxşılaşdırır. Bu çayın qan təmizləyici təsiri də var. Həmçinin bağırsaq florasını və ya ürək-damar sistemini qorumaq istəyənlər fındığın qabığından faydalana bilərlər.

Çayı hazırlamaq üçün bir ovuc təmizlənmiş fındıq qabığını götürüb qaynayan bir litr suya əlavə edin. On dəqiqə qaynatdıqdan sonra götürün və daha on dəqiqə dəmlənməsini göz­ləyin. Çayı stəkana süzdükdən sonra zövqə görə, bal əlavə etmək olar.

Z.HÜSEYNLİ
XQ