Lələ, məndən Kərəm olmaz
Sevmə məni, sevmə, nolar.
Məni məndə görən olmaz
Sevmə məni, sevmə, nolar.
Dərd yaxın, dava ayrıdı
Bu dərdə yuva ayrıdı,
Mən ölən hava ayrıdı
Sevmə məni, sevmə, nolar.
Dar yaxa haqdan yazıdı,
Düymələr şeytan nazıdı.
Dünya keşiş dünyasıdı
Sevmə məni, sevmə, nolar.
Get ürəkli daşları sev,
Daşdan axan yaşları sev,
Ağacları, quşları sev,
Sevmə məni, sevmə, nolar.
O taylı, bu taylı mənəm,
Yeri, yurdu saylı mənəm
Ramiz Qusarçaylı mənəm,
Sevmə məni, sevmə, nolar.
Ramiz QUSARÇAYLI
Quba
.jpeg)
.jpeg)
