Qışda D vitamini kəskin düşə bilər. Bu, həm də hormon olduğundan qidaya da diqqət edilməlidir. Mütəxəssislərin fikrincə, D vitamini orqanizmdə bir sıra sistem və proseslərdə iştirak edir.
Vitamin kalsium və fosforun mənimsənilməsinə kömək edir. İmmun sistemini möhkəmlədir. Sinir sistemi siqnallarını ötürür. İltihab və depressiya əleyhinə təsir edir. Əzələ spazmını aradan qaldırır. Profilaktik doza 1000 vahidə qədərdir.
D vitamini əskikliyinin əlamətləri – yorğunluq, halsızlıq, əzələ ağrıları, qıcolma, sümük əriməsi və ağrıları, yuxusuzluq, təşviş, depressiya, dırnaq və saçların qırılması, diş tökülməsi, qəbizlikdir.
D vitamini ilə zəngin bitki tərkibli (D2) və heyvani tərkibli (D3) qidalar var.
D vitamini ilə zəngin qidalar bunlardır:
1. Qızıl balıq, okean, dəniz balıqları – 100 qramında günlük normanın 50 faizi var.
2. Yumurta (təbii ki, kənd yumurtası) sarısı – bir sarıda 35 vahid D vitamini olur.
3. Balıq qaraciyəri, balıq konservi.
4. Göbələk – meşədə, talada yetişən. 1 porsiyada 300–500 vahid D vitamini var.
5. Süd məhsulları, yoqurt, kərə yağı.
Z.HÜSEYNLİ
XQ