Cəfərinin inanılmaz faydaları var. Buna görə də “göyərtilərin şahı cəfəridir” deyimi boş yerdən yaranmayıb. Cəfəri orqanizmdə bütün zərərli radikalları və metobolizm qalıqlarını zərərsizləşdirən lüteolinlə zəngindir.
Lüteolinin digər faydası iltihab əleyhinə təsiridir. Bircə dəstə cəfəri qan- damar və oynaq iltihabı proseslərini azaldır.
Mütəxəssislərin fikrincə, cəfəri antioksidant təsiri ilə immuniteti gücləndirir. A, C vitaminləri ilə zəngindir. Bu, göyərtidən çox istifadə edənlər nadir halda xəstələnirlər.
Cəfəridə olan K vitamini sümüklərin möhkəmliyini təmin edir. Cəfəri yeməyə vərdiş edənlərin dişləri və sümükləri möhkəm olur. Eləcə də, K vitamini qan laxtalanması prosesini tənzimləyir. Ürək-damar xəstəliklərindən qoruyur.
Orqanizm damarların tamlığını pozan, insult, infarkt riskini artıran homosistein adlı amin turşuzu sintez edir. Cəfəridə olan B 9 vitamini həmin homosisteini nəzarətə götürür, bununla da ürək-damar sistemini ciddi problemlərdən qoruyur.
Göyərtinin faydaları bununla da bitmir, onda olan miristisin orqanik birləşməsi xərçəng əleyhinə təsir edir.
Cəfəri həm də gözəllik, cavanlıq mənbəyidir. Ondan ağardıcı və ləkə aparıcı xüsusiyyətinə görə, kosmetologiyada müxtəlif maskaların hazırlanmasında istifadə edirlər.
Z.HÜSEYNLİ
XQ
