Bizim Prezidentimiz
Hər gün xalqın içində,
Kənddədir, şəhərdədir.
Xarici ölkələrdə,
Görüşdə, səfərdədir.
Bayrağını dik tutan,
Yenilməz sərkərdədir.
Sərhədləri adlayır
Bizim Prezidentimiz.
İnamla addımlayır
Bizim Prezidentimiz.
Bütün fikri, amalı
Günəş kimi təmizdir.
Tikmək, qurmaq, yaratmaq–
Arzuları hədsizdir.
Qocalara oğuldur,
Cavanlara əzizdir.
Sadəliyin simvolu
Bizim Prezidentimiz.
Vətənin qalib oğlu
Bizim Prezidentimiz.
Düşmənlərin önündə
Duruşu dəyanətli.
Bütövdür sal qaya tək,
Görüşü ləyaqətli.
Qanunlar imzalayar,
Dürüst və ədalətli.
Dərdlilərin dərmanı
Bizim Prezidentimiz.
Arzuların loğmanı
Bizim Prezidentimiz.
Gedər azad yurdlara,
Bilməz dağdır, arandır.
Ya bürkülü havadır,
Ya çovğundur, borandır.
Köhnələri uçuran
Yeniləri qurandır.
Meşə salar, yol çəkər
Bizim Prezidentimiz.
Xeyir-bərəkət əkər
Bizim Prezidentimiz.
Ölkəmiz bir gəmidir
O, sükançı, kapitan.
İrəliyə aparır
Uğurla, yorulmadan.
Kəndlər şəhərə dönür,
Çöllər olur gülüstan.
Oğul sədaqətidi
Bizim Prezidentimiz.
Yurdun səadətidi
Bizim Prezidentimiz.
Dəmir yumruğa bənzər
Bu gün qalib ordumuz
Siyasət meydanında
Çox ayıqdır yurdumuz.
Millətlərin önündə
Ali bayraqdarımız.
Ürəklərin nəbzidir
Bizim Prezidentimiz.
Həyatın, ahəngidir
Bizim Prezidentimiz.
Sabir HƏSƏNOV,
veteran müəllim
Yardımlı