Rusiyalı həkim Andrey Zolotarev bildirib ki, bioloji aktiv maddələrlə zəngin zəncəfil, sarıkök və istiotu qış fəslində qəbul etmək həmçinin digər qidalara qatıb yemək orqanizmə çox faydalıdır.
Ədviyyatlar arasında sarıkökü immun sistemi gücləndirən, bakteriya və viruslardan qoruyan unikal maddə hesab edən həkim deyib: “Kurkumində (sarıkök) olan antioksidantlar iltihab və xərçəng əleyhinə təsirə malikdir”.
Qış aylarında immunitet möhkəmləndirici içki reseptini tövsiyə edən A.Zolotarey bildirib: “1 stəkan süd qazanda qaynar hala düşəndə, ona çay qaşığının yarısı qədər sarıkök, bir ədəd qara istiot dənəsi, çay qaşığının ucunda üyüdülmüş zəncəfil əlavə edilib qarışdırılır.
Qarışım qaynamağa başlayan kimi süd dərhal odun üstündən götürülüb süzülür və isti halda içilir.
İksirə zövqə görə bal qatmaq olar, amma onu qarışığı içəndə əlavə etmək məsləhətdir.
Bu ədviyyatlar qatılan süd orqanizmdə iltihabı azaldır, öskürək, bronxit və boğaz ağrısına kömək edir. Ən başlıcası, immuniteti zəifləyən insanlara xeyli faydası var”.
Z.HÜSEYNLİ
XQ
