5 Dekabr – Beynəlxalq Könül­lülər Günü qarşısında Naxçıvanda tədbirlər həftəsi keçirilir. Heydər Əli­yev Muzeyində “Könüllünü inkişafa aparan yol” adlı görüşlə “Naxçıvan Könüllülərinin Birlik Həftəsi”nə start verilib. 

Açılış mərasimində qeyd olunub ki, Prezident İlham Əliyevin rəhbərliyi ilə Azərbaycanda könüllü hərəkatı geniş vüsət alıb, bu sahədə böyük nailiyyətlər əldə olunub. Könüllü fəaliyyətin hüquqi bazası yaradılıb, müxtəlif dövlət və özəl qurumlarda gənclərin könüllülük fəaliy­yətinə cəlbinə dəstək göstərilib. Naxçı­vanda fəaliyyət göstərən könüllülərin və könüllülərlə işləyən təşkilatların sayı artmaqdadır və bu da gənclərimizin gələcək həyatı, karyerası üçün yeni imkanların, təcrübələrin qazanılması deməkdir. Əvvəllər könüllü kimi fəaliy­yət göstərən gənclərin böyük əksəriy­yəti hazırda müxtəlif peşə sahibləri kimi iş həyatını uğurla davam etdirir. 

Gənclərdən Zəhra İsmayılova kö­nüllü kimi öz fəaliyyətii və onlara göstə­rilən dəstəkdən danışıb, minnətdarlığı­nı ifadə edib.

Qeyd edək ki, “Naxçıvan Könül­lülərinin Birlik Həftəsi” çərçivəsində müxtəlif səpkili tədbirlərlərin keçirilməsi nəzərdə tutulur.

Səbuhi HƏSƏNOV
XQ

Naxçıvan