Kəklikotu və onun faydalı xüsusiyyətləri insanlara qədim zamanlardan məlumdur. Qədimdə bu otu “ruhun gücü” adlandırıblar. Kəklikotu, həqiqətən, insanın əhvalını yaxşılaşdırmaq, depressiya və streslə mübarizə etmək xüsusiyyətlərinə malikdir.

Kəklikotu ilə dəmlənən ça­yın çoxlu müsbət təsirləri var:

Çay qurdları və mikrobları öldürür, ağrıları azaldır, nəfəs yollarını təmizləyir. Onun çox gözəl bəlğəmgətirici xüsusiyyəti var. Eyni zamanda, immun sis­temini möhkəmlədir, orqanizmi tonuslaşdırır, yorğunluğu azal­dır, gümrahlıq bəxş edir.

Kəklikotu çayı soyuqdəymə zamanı xəstənin vəziyyətini yüngülləşdirir, kişilərdə poten­siyanı yaxşılaşdırır, böyrəkləri təmizləyir, sistit zamanı kömək edir.

Bu çay qadınlarda laktasiyanı (südün ifrazı ) artırır, arıqlamağa kömək edir və dərini təmizləyir.

Dadlı və faydalı kəklikotu çayını ha­zırlamaq üçün, sadəcə, adi qara çay dəmlədikdə çaydana 1 çay qaşığı quru kəklikotu əlavə etmək lazımdır. 

Həkimlər, faydalı xüsusiyyətləri ilə yanaşı, mədə xorası, qalxanvari vəzi və ağır ürək xəstəliklərində, həmçinin ha­miləlik zamanı kəklikotulu çayı içməyi tövsiyə etmirlər.

Z.HÜSEYNLİ
XQ