Azərbaycan Xarici İşlər Nazirliyinin “Diplomatiya aləmi” jurnalının 59-cu xüsusi buraxılışı işıq üzü görüb. Jurnalın budəfəki xüsusi buraxılışı ümummilli lider Heydər Əliyevin 100 illik yubileyinə həsr olunub.
Prezident İlham Əliyevin 2023-cü ilin “Heydər Əliyev İli” elan edilməsi haqqında Sərəncamı ilə başlayan xüsusi buraxılışda, həmçinin ölkəmizin bir sıra dövlət rəsmilərinin, o cümlədən xarici işlər naziri Ceyhun Bayramovun, ədliyyə naziri Fikrət Məmmədovun, Dini Qurumlarla İş üzrə Dövlət Komitəsinin sədri Mübariz Qurbanlının, Dövlət Neft Şirkətinin (SOCAR) sabiq birinci vitse-prezidenti, mərhum Xoşbəxt Yusifzadənin, Milli Məclisin üzvü Musa Qasımlının, habelə Elm və Təhsil Nazirliyinin İqtisadiyyat İnstitutunun baş direktoru Nazim Müzəffərlinin (İmanov) məqalələri dərc olunub.
Xüsusi buraxılışda, eyni zamanda, xarici ölkələrin bir sıra dövlət xadimlərinin, o cümlədən Moldovanın keçmiş prezidenti Petru Luçinskinin, Gürcüstanın xarici işlər nazirinin birinci müavini Laşa Darsalianın, keçmiş Yuqoslaviya Sosialist Federativ Respublikasının son xarici işlər naziri Budimir Lonçarın, Ankara Universitetinin rektoru Necdet Ünüvarın, Qazaxıstanın Xalq yazıçısı Oljas Süleymenovun və digərlərinin ulu öndər Heydər Əliyevlə bağlı xatirələrinin əks olunduğu müsahibə, məqalə və çıxışlar əksini tapıb.
XQ