Ağalı kəndinə köçürüləcək 33 ailəyə açarlar təqdim edildi

Dünən zəngilanlılar Zəngilan Şəhəri Gününü ilk dəfə sevinc və qürurla qeyd etdilər. Xatırladaq ki, Prezident İlham Əliyevin bu il iyulun 31-də imzaladığı sərəncama əsasən, hər il oktyabrın 20-si Zəngilan Şəhəri Günü elan edilib. Bu əlamətdar gün Zəngilan şəhərinin Ermənistan silahlı qüvvələrinin işğalından azad edilməsi şərəfinə təsis edilib. 

2020-ci il oktyabrın 20-də Zəngilan şəhəri ilə yanaşı, ra­yonun Havalı, Məmmədbəy­li, Şərifan, Muğanlı kəndləri və Həkəri qəsəbəsi işğaldan azad edilib, həmin ərazilərə şanlı Azərbaycan bayrağı sancılıb. Zəngilan rayonunun işğaldan azad edilməsi Vətən müharibəsinin gedişində ən uğurlu əməliyyatlardan biri oldu. Bununla Azərbaycan–İran sərhədi tam bərpa edildi və işğal altında qalmış 132 ki­lometr ordumuzun nəzarətinə keçdi.

Artıq Zəngilanın azadlı­ğa qovuşmasından 3 il keçir. Yer üzündən silinmiş Zəngi­lan şəhəri Böyük Qayıdışa dair I Dövlət Proqramı çər­çivəsində yenidən qurulur. Azərbaycanda ilk “Ağıllı kənd” layihəsi Zəngilan rayonunda həyata keçirilib. 2023-cü ilin 27 may tarixində, Azərbay­can xalqının müstəqillik günü ərəfəsində rayonun Ağalıkəndində layihənin birinci mərhələsi üzrə açılış məra­simi keçirilib. Birinci mər­hələdə Yeni Ağalı kəndinə 41 ailə köçürülüb. Bu ailələr 29 il həsrətində olduqları doğma ata-baba torpağına geri dön­mənin sevincini yaşadı. Ha­zırda Ağalıda 133 ailə yaşayır. Yaxın günlərdə bu ailələrin sayı artacaq. 

Zəngilan Şəhəri Günün­də Qaçqınların və Məcburi Köçkünlərin İşləri üzrə Dövlət Komitəsində növbəti mərhələ­də Zəngilan rayonunun Ağalı kəndinə köçürüləcək ailələr arasında mənzillərin püşkat­ması keçirildi. 33 ailənin (177 nəfər) 10-u üçotaqlı, 15-i dör­dotaqlı, 8-i beşotaqlı fərdi ya­şayış evinin açarlarını qəbul etdi. Həmin ailələr indiyədək Bakı və Sumqayıt şəhərlərin­də, Abşeron rayonu ərazisin­də müvəqqəti məskunlaşma yerlərində yaşayıblar. 

Onlar doğma yurda qayı­dışla bağlı çox böyük sevinc hissi keçirdiklərini qeyd etdilər. Yaradılan şəraitə, məcburi köçkünlərə göstərilən diqqət və qayğıya görə Prezident İlham Əliyevə və Birinci vit­se-prezident Mehriban xanım Əliyevaya dərin minnətdarlıq­larını bildirdilər. Zəngilan köç­künləri tezliklə Ağalı kəndinə yola salınacaqlar.

Hazırda Zəngilanda yeni yaşayış binaları tikilir. 2025-ci ildə şəhərin ilk sakinləri doğ­ma yurda qayıdacaqlar. 

***

Zəngilan Şəhəri Günü daha bir hadisə ilə yadda qalıb. Hərbçilərin iştirakı ilə yürüş təşkil olunub. Əvvəlcə Zəngilan Şəhidlər xiyabanı zi­yarət edilib. Vətənimizin azad­lığı uğrunda canından keçən əziz şəhidlərimizin xatirəsi bir dəqiqəlik sükutla yad edilib.

P.ƏFƏNDİ
XQ