Türkiyə Respublikasının Ailə və sosial xidmətlər naziri xanım Mahinur Özdemir Göktaşın başçılıq etdiyi nümayəndə heyəti ölkəmizdə səfəri çərçivəsində 1 saylı DOST Mərkəzində göstərilən xidmətlərlə tanış olub.
Sonra Əmək və Əhalinin Sosial Müdafiəsi Nazirliyi ilə Türkiyə Respublikasının Ailə və Sosial Xidmətlər Nazirliyi arasında 2024–2025-ci illər üzrə Fəaliyyət Planı imzalanıb.
Sənəddə uşaqların sosial müdafiəsi və onlara göstərilən qayğı xidmətləri, həssas qrupların əmək bazarına inteqrasiyası, qadınların məşğulluğu, himayədar ailə, aktiv yaşlanma və s. sahələrdə əməkdaşlıq istiqamətləri üzrə həyata keçiriləcək tədbirlər əksini tapır.
Zərifə HÜSEYNOVA
XQ
