BMT-nin İnkişaf Proqramının Azərbaycandakı Rezident Nümayəndəsinin səlahiyyətlərini icra edən Alessandra Rokkasalvo Bərdə şəhərinə səfəri çərçivəsində Böyük Britaniyanın ölkəmizdəki səfiri Ferqus Ouldla Qarabağ Regional DOST Mərkəzinə baş çəkib, vətəndaşlara xidmət prosesi ilə tanış olublar.
DOST konsepsiyasının ölkəmizdə dövlət sosial xidmətlərinin “bir pəncərə”dən, operativ, vətəndaş məmnunluğu prinsipi əsasında göstərilməsinə şərait yaratdığı vurğulanıb.
Nümayəndə heyəti üçün konsepsiya barədə nümayiş etdirilən təqdimatda DOST mərkəzlərində vətəndaşlara sosial müdafiə və sosial təminat, tibbi-sosial ekspertiza və reabilitasiya, sosial sığorta, əmək və məşğulluq sahələri üzrə göstərilən xidmətlər barədə məlumat verilib.
H.ZƏRİFƏ
XQ
