Şabranda oktyabrın 2-dən 9-dək müasir Azərbaycan rəssamlarının iştirak etdiyi “Təbiətin vibrasiyaları” adlı simpozium keçirilib.
Simpozium Birləşmiş Rəssamlar Klubunun təşəbbüsü ilə “Çardaq” qrupunun art-platforması ilə əməkdaşlıq çərçivəsində Azərbaycan Rəssamlar İttifaqı və “Shabran Wellbeing Resort” otelinin dəstəyi ilə təşkil olunub. Layihənin kuratoru tanınmış rəssam Bəhram Xəlilovdur.
Tədbirdə rəssamlar Anar və Zümrüd Hüseynzadə, Elşən və Şəbnəm Qaracalar, Aydın Əsgərov, Anar və Salihə Bəylərlər, Təranə Vaqifqızı, Vəfa Yüzbaşıyeva, Nigar Familsoy, Vüsalə Ağarazıyeva iştirak ediblər. Simpoziumun konsepsiyası musiqi və təsviri sənət vasitəsilə təbiətlə ünsiyyətin ifadəsindən ibarət olub.
Simpoziumun nəticələri ilə yaxın vaxtlarda İçərişəhərdəki Müasir İncəsənət Mərkəzində keçirilən hesabat sərgisində tanış olmaq mümkün olacaq.
N.AYTƏN
XQ
