Yumurta protein və zülal mənbəyi kimi həm də arıqlamaq istəyənlər üçün günün müəyyən saatlarında qəbul edilən qidadır. Həkim İqor Strokov artıq çəkidən əziyyət çəkib arıqlamaq istəyənlərə maraqlı məsləhət verib.
O bildirib ki, tez arıqlamaq istəyənlər yumurta yeyə bilərlər. Çünki yumurtada olan zülal maddələr mübadiləsini aktivləşdirir, əzələ kütləsini formalaşdırır. Amma arıqlamaq üçün yumurtanı səhərlər yemək uyğun deyil. Onu axşamlar yemək lazımdır, həm asan həzm olacaq, həm də yuxunu yaxşılaşdıracaq.
Orqanizm axşam yeyilən yumurtanı həzm etmək üçün çox enerji xərcləyir, nəticədə, artıq piylər yanır. Beləliklə, insan yuxuda artıq kilolardan xilas ola bilir.
Pəhriz zamanı yumurtanın suda qaynadılmışı yeyilir. Onu tərəvəzlərlə qarışdırıb yağsız bişirmək də olar.
Həkim, həmçinin yumurtanın qanda şəkəri tənzimlədiyini də bildirib.
Xalqımızda isə, nədənsə, belə bir deyim var: “Yumurtanı səhər özün ye, günorta dostuna ver, axşam düşməninə”.
Z.HÜSEYNLİ
XQ