Başlanğıcını 1994-cü il sentyabrıpn 20-də ümummilli lider Heydər Əliyevin dərin zəkası və möhkəm iradəsi nəticəsində imzalanmış “Əsrin müqaviləsi”ndən götürmüş Neftçilər Günündə ölkəmizdə keçirilən çoxsaylı tədbirlərin, mediada yayılan bir sıra yazıların əsas mövzusu Ulu öndərin milli neft strategiyasının müstəqillik illərində əldə edilən tarixi nailiyyətlər üçün yaratdığı baza təminatlar oldu.

Söylənən mülahizələrdə “Əsrin müqaviləsi”nin bağlanması və uğurla ger­çəkləşdirilməsi Heydər Əliyev zəkasının və iradəsinin təntənəsi kimi dəyərləndirilir.

Dünən Fövqəladə Hallar Nazirliyin­də keçirilən “Əsrin müqaviləsi – Azər­baycanın strateji inkişaf konsepsiyası­nın təməlidir” mövzusunda konfransda da Ulu öndər Heydər Əliyevin yeni neft strategiyasının uğurları diqqət mərkə­zində olub. 

FHN-in Sənayedə İşlərin Təhlükəsiz Görülməsi və Dağ-Mədən Nəzarəti Döv­lət Agentliyində təşkil edilən konfransda nazirliyin Aparatı və strukturuna daxil olan qurumlarının, “Azneft” İstehsalat Birliyinin və Yeni Azərbaycan Partiyası Xətai ra­yon təşkilatının nümayəndələrinin iştirak etdikləri toplantıda fövqəladə hallar nazi­rinin müavini Tapdıq Əmiraslanov əsası Ümummilli lider tərəfindən qoyulmuş və hazırda Prezident İlham Əliyevin rəhbər­liyi ilə uğurla davam etdirilən neft strate­giyasının ölkəmizə qazandırdığı uğurlar­dan, “Əsrin müqaviləsi”nin sosial-iqtisadi həyatımızdakı əhəmiyyətindən danışıb.

FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin rəisi Vüsal Ağayev, Azneft” İs­tehsalat Birliyinin baş direktorunun birinci müavini, baş mühəndis Rövşən Qarayev xalqımızı zamanın mürəkkəb tarixi-siya­si sınaqlarından uğurla çıxaran, müasir Azərbaycan dövlətinin banisi və qurucu­su Heydər Əliyev tərəfindən imzalanmış “Əsrin müqaviləsi”nin əhəmiyyətindən, ölkəmizin siyasi, iqtisadi inkişafı, cəmiyyət və dövlət həyatının bütün sahələrində qa­zanılmış uğurlardansöz açıblar.

***

Azərbaycan Dövlət Neft və Sənaye Universitetində isə Nəsimi Rayon İcra Hakimiyyəti ilə birgə Ümummilli lider Heydər Əliyevin 100 illik yubileyinə həsr olunmuş “Ulu öndərin uğurlu neft strategiyası” mövzusunda konfrans keçirilib.

ADNSU-nun rektor əvəzi dosent Va­zeh Əskərov bu strategiyanın Prezidenti İlham Əliyev tərəfindən qətiyyətlə davam etdirildiyini vurğulayıb.

Nəsimi Rayon İcra Hakimiyyətinin baş­çısı Asif Əsgərov ölkənin əldə etdiyi tarixi uğurlarda “Əsrin müqaviləsi”nin yaratdığı təminatlardan danışıb. Çıxış edənlər Ulu öndərin neft strategiyasının ölkə iqtisadiy­yatının müxtəlif sahələrinin, ilk növbədə, neft sənayesinin davamlı inkişafında xü­susi rol oynadığını bildiriblər.

***

Naxçıvan Muxtar Respublikasının Ordubad rayonunda “Heydər Əliyev İli” çərçivəsində “Əsrin müqaviləsi” tarixi Zəfərimizə gedən yolun başlanğıcıdır” mövzusunda toplantı keçirilib.

Rayon icra hakimiyyətinin başçısı Rə­cəb Rəhimli bildirib ki, Heydər Əliyevinmilli neft strategiyasının uğurla reallaşdı­rılması nəticəsində xalqımız öz təbii sər­vətlərinin tam sahibinə çevrilib və qısa müddətdə ölkəmizin inkişafına güclü təkan verən resurslar əldə edilib. “Əsrin müqaviləsi”nin imzalanması ilə yeni neft strategiyasının əsası qoyulub. Sonrakı illərdə yeni müqavilələrin imzalanması ölkəmizin iqtisadi qüdrətinin gündən-günə artmasına töhfə verib. Ötən illər ərzində neftdən gələn gəlirlərin qeyri-neft sektoru­nun inkişafına yönəldilməsi iqtisadiyyatın dinamik inkişafını təmin edib.

Azərbaycan Milli Elmlər Akademiya­sının Naxçıvan bölməsinin sədri, akade­mik İsmayıl Hacıyev Ümummilli liderin ölkəmizin hərtərəfli inkişafında, müstəqil Azərbaycan Respublikasının dünya birli­yində layiqli yerini tutmasında müstəsna xidmətlərindən danışıb, müasir tariximizin otuz ildən artıq bir dövrünün dahi şəxsiy­yətin adı ilə bağlı olduğunu vurğulayıb. 

***

Dünən Balakən Rayon İcra Hakimiy­yətinin təşkilatçılığı ilə keçirilən “Əsrin müqaviləsi” tarixi Zəfərimizə gedən yolun başlanğıcıdır” mövzusunda konfransda rayon icra hakimiyyətinin, hüquq-mühafizə orqanlarının rəhbər şəxsləri, ziyalılar, şəhid ailələrinin üzv­ləri, qazilər və ictimaiyyətin nümayən­dələri iştirak ediblər.

Rayon icra hakimiyyətinin başçısı İslam Rzayev bildirib ki, Ümummilli li­der Heydər Əliyevin uzaqgörən siyasəti nəticəsində 1994-cü il sentyabrın 20-də “Əsrin müqaviləsi” kimi möhtəşəm neft müqaviləsi imzalanıb. Bu qlobal layihə Azərbaycanın suveren dövlət kimi öz təbii sərvətlərinə sahib çıxmaq, milli mənafelə­rini, iqtisadi və strateji maraqlarını müda­fiə etmək əzmini bütün dünyaya göstərib, dövlət müstəqilliyinin mühüm təminatına çevrilib. 

YAP Balakən rayon təşkilatının sədri Azad Balayev, “Balakən Rayon Mərkəzi Xəstəxanası” publik hüquqi şəxsin di­rektoru Dilbər Quliyeva və rayon Statis­tika İdarəsinin rəisi Fərhad Xəlilov “Əsrin müqaviləsi”nin Azərbaycanın uzunmüd­dətli strateji maraqlarının, siyasi, iqtisadi mənafelərinin təmin edilməsinə, ölkəmizin dünya dövlətləri ilə qarşılıqlı əlaqələrinin dərinləşməsinə, beynəlxalq mövqelərinin möhkəmlənməsinə güclü təkan verdiyini qeyd ediblər. 

Hazırladı:
T.RÜSTƏMLİ
XQ