– Əgər səyyar görüşdə sakinlərin qaldırdığı problemlər həll olunmayacaqsa, gəlin onu keçirməyək...
Şəhər icra hakimiyyəti başçısı Vüqar Novruzovun hələ 2020-ci ilin yanvarında aparat müşavirələrinin birində bir qədər məzəmmətlə, bir qədər də sərt dediyi bu sözləri hamı ciddi bir xəbərdarlıq kimi qəbul etdi.
Elə o vaxtdan etibarən belə görüşlərdə qaldırılan məsələlər tədricən öz müsbət həllini tapmağa başladı. Çünki ölkə Prezidenti İlham Əliyevin vətəndaşların müraciətlərinə həssaslıqla yanaşılması ilə bağlı verdiyi tapşırıq və tövsiyələri rəhbər tutaraq, Naftalanda vətəndaşlarla səyyar görüşlərin keçirilməsi, onların qaldırdıqları məsələlərin operativ həlli, ərizə və şikayətlərə baxılaraq, həll olunması üçün müvafiq tədbirlərin görülməsi şəhər icra hakimiyyətinin daim nəzarətində saxlanılır və bu, bir ənənə şəklini almışdır.
Səyyar görüşlərdə sakinlərin qaldırdıqları məsələlərin dərhal nəzarətə alınması, bu işi icra edənlərin hesabatlarının dinlənilməsi və ən əsas da şəhər icra hakimiyyəti başçısının işlərin gedişinə özü nəzarət etməsi Naftalanın son illər nəzərəçarpacaq dərəcədə abadlığına, gözəlləşdirilməsinə, müasir kurort şəhərinə çevrilməsinə səbəb olmuşdur.
Hamlet QASIMOV,
“Xalq qəzeti”nin bölgə müxbiri