Dünən Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli Babək rayonunun Qahab kəndində olub, sakinlərlə görüşüb.
Söhbət zamanı səlahiyyətli nümayəndə Prezident İlham Əliyevin qədim diyarda quruculuq işlərinin yüksək səviyyədə davam etdirilməsinə göstərdiyi diqqət və qayğının təzahürü olan “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı” barədə məlumat verib, növbəti mərhələdə görüləcək işlər və həyata keçiriləcək sosial-iqtisadi layihələrdən söz açıb. Fuad Nəcəfli rayon sakinləri ilə ötən görüşlərdə qaldırılan məsələlərə və onların həlli ilə bağlı görülən işlərə də toxunub.
Görüşdə 56 kənd sakininin müraciəti dinlənilib, 4 sakinin ərizəsi isə baxılmaq üçün götürülüb, qaldırılan məsələlər qeydiyyata alınıb.
Səbuhi HƏSƏNOV,
“Xalq qəzeti”
Naxçıvan