Əmək və Əhalinin Sosial Müdafiəsi Nazirliyindən bildiriblər ki, Böyük Qayıdış proqramı üzrə Laçın şəhərinə köçürülən sakinlərin məşğulluq imkanlarının müəyyənləşdirilərək müvafiq dəstək göstərilməsi işləri davam edir.
Dövlət Məşğulluq Agentliyinin nümayəndələri Laçına köçürülən ailələrdən 100-dək ailə ilə görüşüblər. Həmin ailələrin üzvlərinin məşğulluq imkanlarının müəyyənləşdirilməsi istiqamətində ilkin söhbətlər aparılıb.
Aktiv məşğulluq proqramlarından– özünüməşğulluq, peşə hazırlığı kursları, işədüzəltmə tədbirləri və s. barədə onlara məlumatlar verilib. Hazırda bu proqramlar çərçivəsində onların məşğulluğuna dəstək işlərinə başlanıb.
Ümumilikdə, agentliyin nümayəndələri Laçına köçürülmüş 150-dək ailə ilə görüşərək məşğulluq imkanlarını qiymətləndirib. Aparılan söhbətlərin nəticəsinə uyğun məşğulluq tədbirlərinə başlanılıb.
Z.HÜSEYNOVA, “Xalq qəzeti”