Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi və Şərur Rayon İcra Hakimiyyətinin birgə təşkilatçılığı ilə Şərur rayon Yuxarı Daşarx kəndində yaşayan aztəminatlı, sağlamlıq imkanları məhdud ailə ilə görüş olub.

Həsənovlar ailəsi ilə görüş zamanı komitənin aparat rəhbəri Eltun Həzi­yev və rayon icra hakimiyyəti başçı­sının şöbə müdirinin müavini Kamal İsmayılov aztəminatlı, sağlamlıq im­kanları məhdud ailələrə daim diqqət və qayğının göstərildiyini, əhalinin hə­yat səviyyəsinin yaxşılaşdırılması və müvafiq ailələrin sosial təminatlarının gücləndirilməsi istiqamətində ardıcıl olaraq tədbirlər həyata keçirildiyini qeyd ediblər.

Sonra ailənin problemləri ilə ma­raqlanılıb və ehtiyaclarına uyğun 17 adda 31 kiloqramlıq ərzaq məhsulu köməkliyi göstərilib. Həmçinin vətən­daşın həyətyanı sahəsinin suvarma suyu ilə təmin olunması ilə bağlı ko­mitəyə etdiyi müraciəti də öz həllini tapıb. Sağlamlıq imkanları məhdud, I qrup gözdən əlil Məhəmməd Həsənov göstərilən dəstəyə görə dövlətimizə minnətdarlığını bildirib.

Səbuhi HƏSƏNOV, “Xalq qəzeti”