Tarif (qiymət) Şurasının qərarı ilə Qarabağ və Şərqi Zəngəzur iqtisadi rayonlarında daşınmaz əmlakın qeydiyyatı, texniki inventarlaşdırılması və kadastrı xidmətlərinə yeni tariflərlə bir sıra güzəştlər edilib.
Bu üstünlüklər çərçivəsində şəhid ailəsi üzvlərinin, hərbi əməliyyatlar nəticəsində əlil olmuş hərbi qulluqçu və mülki şəxslərin daşınmaz əmlaklarına, işğaldan azad olunan ərazilərdə yerləşən daşınmaz əmlak obyektlərinə xidmət haqqına 50 faiz güzəşt tətbiqi nəzərdə tutulub.
Bununla yanaşı, kənd təsərrüfatı, sənaye, nəqliyyat, rabitə, müdafiə və digər təyinatlı torpaqlar üzrə, eləcə də çoxmənzilli yaşayış binalarının inventarlaşdırılması üzrə tariflər azaldılıb. Sahəsi 1000 kvadratmetrə qədər olan əmlakların tariflərində də azalmanın tətbiqi qərara alınıb. Yeni tariflərə uyğun olaraq, qeyri-yaşayış sahələri üzrə xidmətlərdə də xərclərin azaldılması nəzərdə tutulub.
“Xalq qəzeti”
.jpg)
