Dünya Bankının maliyyə dəstəyi ilə həyata keçirilən “Məşğulluğa Dəstək Layihəsi” çərçivəsində Şəmkir və Ağstafa rayonlarında da ictimai dinləmələr keçiriləcək. Bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunkasiya şöbəsindən bildiriblər.
Qeyd edilir ki, tədbirlərdə layihənin hədəf və məqsədləri, əhatə dairəsi, layihənin icrası zamanı ətraf mühit və sosial məsələlərə dair tələblər, proqramın gözlənilən faydaları, müraciət və iştirak qaydalarına dair iştirakçılara ətraflı məlumat veriləcək.
İctimai dinləmələr Şəmkir şəhərində, Şəmkir Gənclər Evinin binasında Ağstafa şəhərində, Qazax–Tovuz Regional Məşğulluq Filialının Ağstafa xidmət şöbəsinin binasında təşkil olunacaq.
Z.HÜSEYNLİ, “Xalq qəzeti”