Pekin universitetinin mütəxəssisləri 2 il çəkən araşdırmalar nəticəsində qara və yaşıl çayın bəzi xəstəliklərə səbəb olmasını sübut ediblər. Bu tədqiqatlara görə, qara və yaşıl çay qədərindən çox içiləndə mədə-bağırsaq, həmçinin qaraciyər, sinir sistemi zədələnməsinə və qanaxmalara səbəb olur.
Araşdırmada 500 mindən çox insan iştirak edib. Onların verdikləri məlumatlar əsasında mütəxəssislər belə qənaətə gəliblər ki, gündəlik 5 qram və daha çox çay içmək qaraciyər xərçənginə tutulma ehtimalını 26 faiz artırır. Həmin miqdar çay qəbulu ilə ağciyər xərçənginə tutulma riski 62, mədə xərçənginə tutulma isə 29 faizdir.
Zərifə HÜSEYNLİ, “Xalq qəzeti”
