Bir ziyalı xanım dünən özünün “Facebook” səhifəsində maraqlı paylaşım edib. Orada ibrətamiz bir hekayət yazılıb:
“Zəngin və harın adam günün birində yoxsul və fağır şəxsə içi çör-çöp dolu səbət uzadır. Kasıb adam səbəti gülümsəyərək alır və oradan uzaqlaşır. Sonra səbəti boşaldır və rəngarəng çiçəklərlə doldurur. Və zəngin adamın yanına gedərək səbəti ona uzadır.
Varlı şaşıraraq soruşur:
– Mən sənə bir səbət zibil verdim, sən niyə mənə çiçəklərlə dolu səbət verirsən?
Yoxsul belə deyir:
– “Çünkü hər bir insan qəlbində nə varsa onu verir...
Deməli, əsl zənginlik yüksək mənəviyyat sahibi olmaqdadır.”
Paylaşımın müəllifi bu hekayəti bitirib sonda belə yazır:
“Bu çiçəkləri dostlara ərmağan edirəm...”
Təqdim etdi: M.HACIXANLI, “Xalq qəzeti”
