Sumqayıt Dövlət Universitetinin Heydər Əliyev Məktəbində “Müstəqil Azərbaycan ulu öndər Heydər Əliyevin uğurlu daxili və xarici siyasətinin bəhrəsidir” mövzusunda elmi-praktik konfrans keçirilib.

Məclisi giriş sözü ilə universite­tin rektoru Elxan Hüseynov bildirdi ki, ümummilli lider Heydər Əliyevin həyat və fəaliyyətinin aparıcı xəttini azərbay­cançılıq məfkurəsinin formalaşdırılma­sı və Azərbaycan dövlətçiliyi konsep­siyasının gerçəkləşdirilməsi dayanır. Müstəqil dövlətin memarı və qurucusu Heydər Əliyev XX əsrin sonları XXI əsrin əvvəllərində müstəqil, sosial yö­nümlü dövlət siyasəti ilə Azərbaycanı bugünkü tərəqqi yoluna çıxarıb. Ulu öndərin müəyyən etdiyi hərtərəfli inki­şaf strategiyası isə bu gün Prezident İlham Əliyevin rəhbərliyi ilə uğurla hə­yata keçirilir.

Konfransda SDU-nun prorektoru Elmar Xəlilovun “Heydər Əliyevin Azər­baycan dövlətçilik tarixində yeri möv­zusunda məruzəsi dinlənilib. Kafed­ra müdirləri Məftun Heydərova, Arzu Baxşəliyev, elmi hissə müdiri Samir Orucov, tələbə Həsən Həsənov çıxış­larında bildiriblər ki, dünya miqyaslı si­yasətçi və dövlət xadimi Heydər Əliyev bütün istiqamətlərdə müstəqilliyin möh­kəm və etibarlı təməllərini yaratdığı kimi, gələcəyin inkişaf konsepsiyalarını da işləyib hazırlayıb. 

Qeyd edilib ki, ulu öndərin “Azər­baycan dünyaya Günəş kimi doğacaq­dır” uzaqgörənliyi ölkəmizin bugünkü hərtərəfli inkişafı ilə gerçəkləşib. Bu gün qürurla yaşadığımız Qələbə sevin­cinin mənbəyində də ümummilli liderin siyasəti dayanır. Tarixi ədalətin bərpa edilməsi böyük Heydər Əliyevin düha­sından qaynaqlanan ideya və əməllərin təntənəsidir.

“Xalq qəzeti”