Britaniya Parlamentində Dayanıqlı İnkişaf Məqsədlərinə dair müzakirələr keçirilib. 

Müzakirələr zama­nı çıxış edən Britaniya Parlamentinin üzvü, Partlayıcı Qurğulardan Qaynaqlanan Təh­didlər üzrə parlament qrupunun sədri Metyu Offord humanitar mi­natəmizləmə və Daya­nıqlı İnkişaf Məqsədlə­rinə dair iki dəfə Bakıda konfransda iştirak etdi­yini bildirib və Azərbay­canda həyata keçirilən minatəmizləmə fəaliy­yəti ilə yerində tanış ol­duğunu vurğulayıb. 

O, ərazilərin mina­dan təmizlənməsinin təkcə mövcud Daya­nıqlı İnkişaf Məqsədlə­rinə nail olunması deyil, bir sıra digər sahələrdə də müsbət nəticələrin əldə edilməsinə göstər­diyi təsiri nəzərə alaraq, Britaniya hökumətinə, Azərbaycanın huma­nitar minatəmizləmə­nin BMT tərəfindən 18-ci Dayanıqlı İnkişaf Məqsədi elan edilməsi ilə bağlı təşəbbüsünə dəstək verməyə çağırış edib. 

Qeyd edək ki, Met­yu Offord 2022-ci ilin may ayında Ağdama səfər edib və işğaldan azad edilmiş ərazilərdə Azərbaycanın minatə­mizləmə fəaliyyəti ilə yaxından tanış olub.