Ermənistan ordusunun ardıcıl təxribat törətdiyi sərhəd məntəqələrindən biri də Göyçə mahalının Zod aşırımıdır. Ötən həftə bu kənd istiqamətindən Azərbaycan ordusunun Kəlbəcər rayonundakı mövqelərini atəşə tutması nəticəsində 3 nəfər azərbaycanlı hərbi qulluqçu yaralanıb.

Qərbi Azərbaycan İcması Ermə­nistanın bu təxribatını şiddətlə qınayıb və Ermənistan hökumətindən öz bəd əməllərini dərhal dayandırmağı tələb edib. İcmadan XQ-yə verilən xəbərə görə, Ermənistan tərəfinin bu mənfur təxribatı məhz Göyçə mahalı istiqamə­tindən etməsi Qərbi Azərbaycan İcma­sının aşağıdakıları xatırlatmasına sə­bəb olub: 

– Xatırladaq ki, Göyçə mahalı, o cümlədən, Zod kəndi azərbaycanlıla­rın kompakt şəkildə yaşadıqları ərazi olub. Ermənistan hökuməti Ermənista­nın digər bölgələri kimi Göyçə dağıdıb. Hazırda Ermənistanın təxribat törətdiyi Zod aşırımı çoxlu sayda mülki azər­baycanlının soyuq qış aylarında Ermə­nistanın təqibləri və zorakılığından qa­çarkən həlak olduğu məkandır.

Ermənistan hökuməti İcmanın sülh və barışığa əsaslanan çoxsaylı müra­ciətlərinə baxmayaraq, azərbaycan­lıların öz vətənlərinə qayıtmasına im­kan vermir. Qərbi Azərbaycan İcması dünya birliyini, hərbi təxribatlarına son qoyması, etnik təmizləməyə məruz qalmış azərbaycanlıların sülh yolu ilə, təhlükəsiz şəkildə və ləyaqətlə öz evlərinə qayıtmasına imkan verməsi üçün Ermənistana təzyiq göstərməyə çağırır.

XQ