Rusiya Ermənistanın baş naziri Nikol Paşinyanın Qarabağı Azərbaycanın tərkib hissəsi kimi tanıması barədə bəyanatlarını onun mövqeyinin təsdiqi kontekstində nəzərdən keçirir. Bu barədə Rusiya XİN-in rəsmi nümayəndəsi Mariya Zaxarova brifinqdə deyib.

RF XİN-in təmsilçisi qeyd edib ki, Ermənistan-Azərbaycan məsələsinin ni­zamlanmasında vasitəçi kimi Rusiya üçün dövlətlərin, xüsusən də Ermənistanın bu mövzuda dəqiq mövqeyinin olması mü­hümdür. “Biz ümumilikdə Ermənistanın baş nazirinin bəyanatlarını 2022-ci il ok­tyabrın 7-də Praqada Azərbaycan, Ermə­nistan, Fransa və Aİ liderlərinin iştirakı ilə keçirilən görüşdə onun tutduğu mövqeyin təsdiqi kimi nəzərdən keçiririk”.

M.Zaxarova xatırladıb ki, bu görüş­də Sovet İttifaqının keçmiş respublikaları arasında inzibati sərhədlərin dövlətləra­rası sərhədlər qismində tanındığı 1991-ci ilin Alma-Ata Bəyannaməsinə istinadla birgə bəyanat qəbul olunub. O əlavə edib ki, Azərbaycan və Ermənistan xarici işlər nazirlərinin Moskvada keçirilən sonun­cu görüşü bir çox məsələlər üzrə onların mövqeyini yaxınlaşdırmağa imkan verib.