ABŞ iki gün əvvəl Tehranda İran və Rusiya arasında Rəşt-Astara dəmir yolunun tikintisi ilə bağlı mzalanmış sazişlə bağlı mövqeyini açıqlayıb. Çərşənbə günü Dövlət Departamenti bildirib ki, Rusiya və İran arasında dəmir yolu ilə bağlı sonuncu sövdələşməni “izləyəcək və ona xüsusi diqqət yetirəcək”.
Sanksiyalardan yayınmağa yönəlmiş istənilən cəhdlər ciddi narahatlıq doğuracaq və “ABŞ tərəddüdsüz növbəti addımları atacaq”, – deyə mətbuat katibinin müavini Vedant Patel bildirib.
ABŞ Dövlət Departamentinin rəsmisi deyib: “Mənim bu layihə ilə bağlı fikrim yoxdur, amma belə ciddi sanksiya rejimi tətbiq etməyimizin səbəbi var və onlardan yayınmağa yönəlmiş istənilən cəhdlər bizdə böyük narahatlıq doğurur”, – deyə o qeyd edib.
“Xalq qəzeti”
.jpg)
