Azərbaycan Prezidenti İlham Əliyevin Qazaxıstana rəsmi səfəri çərçivəsində Astanada “Azərbaycan Dövlət İnformasiya Agentliyi – AZƏRTAC ilə “Qazaxıstan Respublikası Prezidentinin Teleradiokompleksi” Qeyri-Kommersiya Səhmdar Cəmiyyəti arasında qarşılıqlı anlaşma və əməkdaşlıq haqqında Memorandum” imzalanıb.
Dövlət başçıları Kasım-Jomart Tokayev və İlham Əliyevin iştirakı ilə sənədi AZƏRTAC-ın İdarə Heyətinin sədri Vüqar Əliyev və Qazaxıstan Prezidentinin Teleradio Kompleksinin Baş direktoru Rauşan Kajibayeva imzalayıblar.
Sənədə əsasən, Qazaxıstan və Azərbaycan media resursları mediakontent mübadiləsi, müştərək istehsalat, milli və beynəlxalq səviyyədə qarşılıqlı tərəfdaşlıq əlaqələri qurur.
