Mayın 15-16-da Üzeyir Hacıbəyli adına Bakı Musiqi Akademiyasında (BMA)"İslam dünyasının mədəni irsinin qorunub saxlanması" mövzusunda 2 günlük beynəlxalq elmi-praktik konfrans başlanır.
BMA-dan bildiriblər ki, Ümummilli Lider Heydər Əliyevin anadan olmasının 101-ci ildönümünə həsr edilən konfransda Azərbaycan, Rusiya, Özbəkistan, Qazaxıstan, Tacikistan, Türkiyə və İrandan olan bakalavr və magistrlər iştirak edirlər. Tədbir üzbəüz və distant formatda keçirilir, proqrama daxil edilmiş 47 məruzə iştirakçıların seçimi ilə Azərbaycan, rus, ingilis və türk dillərində təqdim olunur. Əsas mövzular musiqi sənəti, mədəniyyətşünaslıq və pedaqogika sahələrini əhatə edir.
Konfrans çərçivəsində BMA-nın magistri Samra Qaziyevanın Azərbaycanın görkəmli bəstəkarı Arif Məlikovun 90 illik yubileyinə həsr olunmuş “Arif Məlikovun “Dalğalar” operettası” kitabının da təqdimatı keçiriləcək.
XQ