Avstriyalı siyasətçi, SPÖ partiyasının (Avstriya Sosial Demokrat Partiyası) üzvü, Salzburq şəhərinin bələdiyyə müşaviri Dr. Tarık Mete və digər siyasətçilər martın 9-da Salzburg şəhərində fəaliyyət göstərən Azərbaycan Evinin qonağı olublar.

Avstriya Azərbaycanlıları Cəmiyyətinin və Azərbaycan Evinin sədri Fərid Əzizov  qonaqları salamlayaraq onlara ölkəmizlə bağlı məlumat verib, Qarabağ haqqında kitablar, broşürlər təqdim edib. Kitabda Qarabağın işğaldan öncə çəkilən fotoları və tarixi faktlarla tanış olan siyasətçilərə həmin yerlərin işğal illərində viran qoyulmuş, vandalizmə, talana məruz qalmış vəziyyətinin şəkilləri nümayiş etdirilib. 

Siyasətçilər bu vəhşiliklərin dünya ictimaiyyətinə mütəmadi olaraq geniş şəkildə çatdırılmasının vacibliyindən söz açıblar. Salzburq şəhərinin bələdiyyə müşaviri Dr.Tarık Mete bu tip görüşlərin əhəmiyyətini vurğulayaraq gələcək əməkdaşlıq imkanlarından danışıb.

Sonda qonaqlar Azərbaycan Evinin xatirə dəftərinə ürək sözlərini yazıblar.

Anar ƏLİ

XQ