Ölkəmizin turizm imkanları Qətə­rin paytaxtı Dohada keçirilən “Qatar Travel Mart” sərgisində nümayiş et­dirilir.

Azərbaycan Turizm Bürosunun təşkilatçılığı ilə xüsusi formada dizayn edilmiş milli stenddə ziyarətçilərə Azər­baycanın tarixi, milli mətbəx nümunələ­ri, ekoturizm, dağ-xizək mərkəzləri, sağlamlıq və qış turizmi imkanları haqqında ətraflı məlumat verilir.

Milli stenddə ölkəmizi Azərbaycan Turizm Bürosu ilə yanaşı, ümumilikdə, 7 yerli turizm sənayesi tərəfdaşı təmsil edir. Sərgi çərçivəsində iştirakçı turizm sənayesi nümayəndələri ilə “Biznes­dən biznesə” formatlı görüşlər keçirilir, qarşılıqlı əməkdaşlıq imkanları sərf-nəzər edilir. 

Qeyd edək ki, Azərbaycan Respub­likasının Qətər Dövlətindəki səfiri Mahir Əliyev milli stendi ziyarət edərək, sərgi­nin gedişatı ilə tanış olub. Azərbaycan Turizm Bürosunun Baş icraçı direktoru Florian Zenqstşmid sərgi çərçivəsində “Dünya səviyyəli dayanıqlı destinasiya və xidmətlərin yaradılması” mövzusun­da panel diskussiyada iştirak edib.

Beynəlxalq sərgidə 60 ölkədən dövlət və özəl sektoru təmsil edən 250 turizm sənayesi nümayəndəsi iştirak edir və sərgiyə minlərlə çox ziyarətçi qatılıb. 

Ə.DOSTƏLİ
XQ