Azərbaycanın Pakistandakı səfirliyi İslamabad şəhərində bu ölkənin Xarici İşlər Nazirliyinin Qadınlar Assosiasiyası tərəfindən təşkil olunan ənənəvi xeyriyyə bazarında iştirak edib.
Tədbirdə bir sıra xarici dövlətin Pakistandakı səfirlikləri və yerli şirkətlər iştirak ediblər.
Azərbaycan səfirliyinin stendində ölkəmizin milli yeməklərindən və şirniyyatlarından ibarət müxtəlif təamlar iştirakçılara təqdim olunub, o cümlədən tariximizin və mədəniyyətimizin təcəssümü olan suvenirlər nümayiş etdirilib.
Pakistanın birinci xanımı Samina Alvi, ölkənin xarici işlər naziri Cəlil Abbas Gilani və digər rəsmi qonaqlar Azərbaycan stendini ziyarət edib, ölkəmizin milli mətbəxinin nümunələri, eləcə də suvenirlərdən ibarət sərgi ilə tanış olublar.
Xeyriyyə bazarında Azərbaycan səfirliyinin stendindən əldə olunan vəsait Qadınlar Assosiasiyasının fonduna köçürülüb.
Qulu KƏNGƏRLİ,
XQ-nin xüsusi müxbiri
İslamabad
.jpg)
.jpg)
.jpg)
.jpg)
.jpeg)
.jpg)
.jpg)
