“Elm” nəşriyyatında görkəmli musiqişünas, Əməkdar incəsənət xadimi, akademik Zemfira Səfərovanın “Azərbaycan musiqişünaslığı: mühüm mərhələlər” adlı kitabı ictimaiyyətə təqdim edilib.
Azərbaycan musiqişünaslığının mühüm mərhələləri və problemlərinin araşdırıldığı kitab 8 bölmədən ibarətdir. Müəllif elmi mütəxəssislərlə bərabər, bu sahə ilə maraqlanan oxucuları da musiqişünaslığımızın tarixi ilə tanış edir.
Tədqiqatın müqəddiməsinin müəllifi akademik İsa Həbibbəyli, redaktorları – sənətşünaslıq üzrə fəlsəfə doktoru, Əməkdar incəsənət xadimi, professor Aidə Tağızadə, sənətşünaslıq üzrə fəlsəfə doktoru, Əməkdar mədəniyyət işçisi Ülkər Talıbzadə, rəyçiləri – AMEA-nın müxbir üzvü Ərtegin Salamzadə və Əməkdar incəsənət xadimi, professor Tariyel Məmmədovdur.
Kitabda müəllifin son illərdə rus və ingilis dillərində çıxan məqalələri xarici oxucular üçün təqdim edilib.
Ə.DOSTƏLİ
XQ
