III “Qorqud Ata” Türk Dünyası Film Festivalının münsiflər heyətinin üzvləri, iştirakçıları və digər qonaqlar “Türk dünyasının mədəniyyət paytaxtı” Şuşa şəhərinə səfər ediblər.

Azərbaycan Respublikası Preziden­tinin Şuşa rayonunda xüsusi nümayən­dəliyinin əməkdaşı qonaqlara şəhərin tarixi, işğal dövründəki vəziyyəti və bu­rada həyata keçirilən yenidənqurma işləri barədə məlumat verib. Bildirib ki, 30 ilə yaxın işğal dövründə Şuşa şəhə­rindəki tarixi binalar, məscidlər, abidələr erməni vandalizminə məruz qalıb. Şuşa işğaldan azad edildikdən sonra burada Azərbaycan dövləti tərəfindən genişmiq­yaslı bərpa-quruculuq işlərinə başlanılıb. Şəhərdə sosial infrastrukturun qurulması ilə yanaşı, əsl tarixi simasının, tarix və mədəniyyət abidələrinin bərpası həyata keçirilir.

Qala-şəhərimiz qonaqlarda unudul­maz təəssürat yaradıb. Onlar Azərbay­can mədəniyyətinə, ədəbiyyat elminə görkəmli şəxsiyyət bəxş etmiş Şuşanın tarixi məkanları və əsrarəngiz təbiəti ilə tanış olublar. Kino xadimləri şəhərdəki “Güllələnmiş heykəllər” meydanını, Xur­şidbanu Natəvanın ermənilər tərəfindən viran qoyulmuş evini, “Xan qızı” bulağı­nı, Seyidli məscidini (XVIII əsr) və Molla Pənah Vaqifin məqbərəsini ziyarət edib, Şuşa qalasının divarları önündə və Cıdır düzündə şəkillər çəkdiriblər.

XQ