Beynəlxalq Türk Mədəniyyəti və İrsi Fondu tərəfindən Niderland Krallığının paytaxtı Amsterdamda qədim türk yazılarından olan petroqliflərə, tamğalara və runik işarələrinə həsr edilmiş sərgi təşkil olunub.
Fondun Azərbaycan, Qazaxıstan və Türkiyənin Niderlanddakı səfirlikləri ilə işbirliyi çərçivəsində ərsəyə gələn sərgi Amsterdam Yunus Əmrə İnstitutunun binasında gerçəkləşib.
Fondun prezidenti Günay Əfəndiyeva sərginin açılış mərasimindəki çıxışında bildirib ki, layihədən məqsəd qədim türk yazı nümunələrinin tədqiq və təbliğ edilməsi, eləcə də geniş auditoriyalara çatdırılmasıdır. O, ümumtürk mədəniyyətinin ayrılmaz parçası olan qədim türk yazılarının bəşəri sivilizasiyanın inkişafında önəmli rol oynadığını vurğulayıb.
Azərbaycanın Niderland Krallığındakı səfiri Rəhman Mustafayev, Qazaxıstan səfiri Askar Jumagaliyev, Türkiyə səfiri Selçuk Ünal, Amsterdam Yunus Əmrə İnstitutunun rəhbəri Adil Akaltun türk xalqlarını birləşdirən qədim yazı irsinin araşdırılmasının müasir dövrdə önəmini vurğulayıb, Beynəlxalq Türk Mədəniyyəti və İrsi Fondunun bu istiqamətdə fəaliyyətini təqdir ediblər.
Sərgidə tətbiqi sənət ustalarının əl işləri təqdim olunub və ustad dərsləri keçirilib və mühazirə oxunub.
Hazırladı:
Ə.DOSTƏLİ
XQ
