Dünən Özbəkistan Rəssamlıq Akademiyasında Mədəniyyət Nazirliyi və Milli İncəsənət Muzeyinin təşəbbüsü, Rəssamlar İttifaqının və Dövlət Rəssamlıq Akademiyasının tərəfdaşlığı ilə Azərbaycanın tanınmış rəssamı, Əməkdar incəsənət xadimi, Özbəkistan Rəssamlıq Akademiyasının fəxri xarici akademiki Çingiz Fərzəliyevin “Sevinc piyaləsi” adlı fərdi sərgisi açılıb.
Milli İncəsənət Muzeyindən bildirilib ki, ulu öndər Heydər Əliyevin anadan olmasının 100 illiyinə həsr olunan sərgi, eyni zamanda, iki dövlət arasındakı mədəni əlaqələrin inkişafına xidmət edir.
Rəssamın ilk yaradıcılıq illərindən başlayaraq ərsəyə gətirdiyi əsərlərindən 40-a yaxını sərgidə nümayiş olunacaq.
Layihənin koordinatoru Könül Rəfiyevadır.
XQ
