Mədəniyyət və incəsənət sahəsində yaradıcılıq mübadiləsinin genişləndirilməsi bu sferaya effektiv təsir göstərir. Azərbaycanın qardaş türk ölkələri, o cümlədən Özbəkistan Respublikası ilə mədəniyyət sahəsində əməkdaşlığı bu sırada önəmli yer tutur.

Sumqayıt Dövlət Dram Teatrından aldı­ğımız məlumata görə, bu günlərdə Özbə­kistanın Səmərqənd teatrı ilə Sumqayıt teatrı arasında əməkdaşlığın gücləndirilməsi, təc­rübə mübadiləsinin artırılması məqsədi gənc­lik şəhərində memorandum imzalanıb.

Sonra Özbəkistanın incəsənət xadimlə­ri Sumqayıt teatrının inzibati binası – qrim otaqları, texniki təchizat şəraiti ilə tanış olublar. Fikir mübadiləsi zamanı yaradıcılıq planları, gələcək əməkdaşlıq imkanları barə­də müzakirələr aparılıb.

Sumqayıt teatrının direktor əvəzi, Əmək­dar artist Vidadi Məmmədovun bildirdiyinə görə, perspektivdə qarşılıqlı səfərlərin keçi­rilməsi, burada Səmərqənd teatrının, qardaş ölkədə isə Sumqayıt sənətçilərinin tamaşala­rının oynanılması nəzərdə tutulur. 

Ə.ƏLİYEV, “Xalq qəzeti”