İlon Mask prototipin təqdimatından dörd il sonra "Tesla"nın "Cybertruck" elektrik pikapının Şimali Amerikada satışına başladığını elan edib. Bu barədə o, X (keçmiş Twitter) sosial şəbəkəsindəki səhifəsində yazıb.

İyul ayında "Tesla" Texasdakı zavodda "Cybertruck" elektrik pikapının ilk istehsal nüsxəsini yığıb.

Amerikalı sahibkar açıqlamasında "Cybertruck artıq Şimali Amerikadakı Tesla mağazalarına göndərilir" deyib.

"Cybertruck" ilk dəfə 2019-cu ildə Tesla tərəfindən təqdim edilib. Avtomobulin İstehsalının 2021-ci ildə başlanacağı gözlənilir və başlanğıc qiyməti təxminən 40 min dollardır. Bununla belə, 2022-ci ilin yanvarında Mask komponent çatışmazlığı səbəbindən "Cybertruck" istehsalının başlamasının 2023-cü ilə təxirə salınacağını açıqlamışdı. Şirkətin məlumatına görə, pikap 1,5 tondan çox yük daşıya, 2,9 saniyəyə 96 km/saat sürət yığa və bir dəfə akkumulyatorun doldurulması ilə 800 km məsafə qət edə biləcək.

XQ