Bakı şəhəri Nizami rayonu ərazisində fəaliyyət göstərən İctimai Birliklər Prezident İlham Əliyevə doğum günü münasibəti ilə təbrik məktubu ünvanlayıblar.

Məktubda deyilir: 

Hörmətli cənab Prezident! 

Biz Bakı şəhəri Nizami rayonu ərazisində fəaliyyət göstərən İctimai Birliklər olaraq sizi doğum gününüz – 63 yaşınız münasibətilə təbrik edirik, şəxsinizə can sağlığı, çətin və şərəfli vəzifənizdə daha böyük uğurlar arzu edirik!

Möhtərəm prezident!

Biz ölkənin ictimai-siyasi həyatını, o cümlədən dövlətimizin beynəlxalq münasibətlər sistemindəki mövqeyini diqqətlə izləyən İctimai Birlik təmsilçiləri olaraq yürüdülən siyasəti bilavasitə milli maraqlarımızla adekvat hesab edirik. Sizin qəbul etdiyiniz qərarlar, atdığınız bütün addımlar həmişə insanlarımızın sosial rifahının yüksəldilməsi, əmin-amanlığımızın və təhlükəsizliyimizin davamlı olması, beynəlxalq mövqelərimizin güclənməsi kimi məqsədlərdən irəli gəlib və qeyd etdiyimiz istiqamətlərdəki uğurlarınız vətəndaş olaraq hamımıza böyük qürur hissi bəxş edir. 

Əziz İlham Heydər oğlu! 

Siz Azərbaycan xalqına Qarabağ kimi səadət bəxş edən, 30 illik işğala son qoyan müzəffər Ali Baş Komandan olmaqla bərabər, həm də ermənilərin talan edib, daşı-daş üstündə qoymadığı şəhər və rayonlarımızı yenidən bərpa edən qurucu lidersiniz! Bu gün həmin torpaqlar Sizin sayənizdə dirçəlir, göz oxşayan infrastruktur layihələri həyata keçirilir, torpaq həsrəti ilə yaşamış məcburi köçkünlərimizə yeni həyat bəxş olunur. Biz inanırıq ki, Sizin rəhbərliyinizlə Azərbaycan hələ çox qələbələr qazanacaq, hələ çox uğurlara imza atacaq! Bu yolda dəstəyimizi heç vaxt əsirgəməyəcəyik. 

Allah yar və yardımçınız olsun, cənab Prezident! Sizi bir daha təbrik edir, uca yaradandan sizə uzun ömür arzulayırıq. Sizinlə qürur duyuruq! Doğum gününüz mübarək! 

Dərin hörmətlə:

 1.Türk Ağsaqqalları Arasında Əlaqələrin İnkişafı İctimai Birliyinin sədri, tibb elmləri doktoru Südeyif İmamverdiyev 

2.Qərbi Azərbaycan İcmasının Nizami rayonu nümayəndəsi Xaqani Səfərov 

3.Azərbaycan Rus İcmasının Nizami rayon təşkilatının sədri Vitaliy Kovalyov 

4.Azərbaycan Qızıl Aypara Cəmiyyəti Bakı Regional Mərkəzinin rəhbəri Rəna İbrahimova 

5.Qarabağ Müharibəsi Əlilləri, Veteranları və Şəhid Ailələri İctimai Birliyinin Nizami rayon şöbəsinin sədri 
Məhi Mehdiyev