Xəbər verildiyi kimi, 5-ci Dünya Köçəri Oyunları çərçivəsində Astanada “Köçərilər dünyası” etnoaulunun açılışı olub.
Qazaxıstan paytaxtının sakinləri və qonaqlar köçərilərin özünəməxsus mədəniyyəti ilə tanış olmaq imkanı əldə ediblər. Etnoaul bir neçə zona üzrə təşkil olunub: mərkəzi meydan, xalq musiqisi üçün çadır, açıq səma altında köçəri sivilizasiyalar muzeyi, idman tədbirləri, milli mətbəx, regionların etnoməskənləri və s.
Bayramın keçirildiyi ərazidə Şərq bazarı təşkil edilib. Ölkənin 200-dən çox sənətkarı öz məhsullarını sərgiləyirlər. Ərazidə konsert proqramları və idman tədbirləri də təşkil olunub.
Sentyabrın 13-dək davam edəcək Dünya Köçəri Oyunlarında 89 ölkədən, təxminən, 2800 idmançı iştirak edir. Yarışlar çərçivəsində 21 idman növü üzrə 97 dəst medal uğrunda mübarizə aparılır.
XQ
