“30 il sonra müstəqillik tariximizdə ilk dəfə olaraq bütün ölkə ərazisini əhatə edəcək parlament seçkilərinin keçirilməsi qürurvericidir. Xoşbəxt insanlarıq ki, Azərbaycanın həyatında əhəmiyyətli rol oynayan belə mühüm siyasi hadisələrin, zəfərlərin şahidi oluruq. Əminəm ki, parlament seçkiləri demokratik inkişaf tariximizə yeni uğur səhifəsini yazacaq”.

Bunu “Seçki 2024” Müstəqil Media Mərkəzinə açıqlamasında tanınmış bəstə­kar, Xalq artisti Faiq Sücəddinov deyib. Bəstəkar qeyd edib ki, ölkəmizin digər ərazilərində olduğu kimi, işğaldan azad edilmiş torpaqlarımızda parlament seçkilə­rinin keçirilməsi bütün xalqımızı sevindi­rir: “Arzularımız çin oldu. 30 il həsrətini çəkdiyimiz torpaqlarda bu gün üçrəngli Bayrağımız dalğalanır. Türk dünyasının, İslam dünyasının mədəniyyət paytaxtı, Azərbaycan musiqisinin məbədi olan Şu­şada, qədim yurd yerlərimiz Xankəndidə, Ağdamda, Kəlbəcərdə, Füzulidə, eləcə də işğaldan azad olunmuş digər ərazilərdə elm, mədəniyyət, dövlət əhəmiyyətli təd­birlərin keçirilməsini necə həsrətlə gözlə­mişdik... Bu, böyük sevincdir, böyük qü­rurdur.”