Milli Məclisə növbədənkənar seçkilərlə əlaqədar avqustun 31-i Azərbaycanda “sükut günü”dür. Həmin gün seçkiqabağı təşviqat aparıla bilməz.

Seçki Məcəlləsinə əsasən, qeydə alın­mış namizədlər, onların səlahiyyətli nü­mayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiy­yətli nümayəndələri və vəkil edilmiş şəxs­ləri tərəfindən seçkiqabağı təşviqatın apa­rılmasına səsvermə gününə 23 gün qalmış başlanmalı və səsverməyə 24 saat qalmış dayandırılmalıdır.

Milli Məclisə növbədənkənar seçkilər­lə əlaqədar seçkiqabağı təşviqat prosesi 2024-cü il avqustun 9-da başlanıb və bu proses avqustun 31-i saat 8:00-da dayandı­rılır. Həmin günə “sükut günü” də deyirlər.

Qeyd edək ki, sentyabrın 1-də keçirilə­cək parlament seçkiləri ilə əlaqədar seçki məntəqələri səhər saat 8-də açılacaq və səsvermə 19:00-a qədər davam edəcək. Milli Məclisə 125 deputat mandatı uğrun­da 991 namizəd mübarizə aparacaq.