Avqustun 29-da Yeni Azərbaycan Partiyası Sədrinin müavini – Mərkəzi Aparatın rəhbəri Tahir Budaqovla Türk Dövlətləri Təşkilatı müşahidə missiyasının rəhbəri, TDT Baş katibinin müavini Ömer Kocaman və missiyanın digər üzvləri arasında görüş keçirilib.

Ömer Kocaman TDT müşahidə mis­siyasının tərkibi və fəaliyyəti haqqında məlumat verib, parlament seçkilərinin Azərbaycanın seçki təcrübəsinin daha da zənginləşməsinə və ölkənin inkişafına tə­kan verəcəyinə inamını ifadə edib.

YAP Sədrinin müavini – Mərkəzi Apa­ratın rəhbəri Tahir Budaqov TDT müşahi­də missiyasının Azərbaycanda seçkilərin ölkə qanunvericiliyinə və beynəlxalq stan­dartlara uyğun keçirilməsinin qiymətləndi­rilməsi baxımından mühüm əhəmiyyət da­şıdığını bildirib. Azərbaycanın parlament seçkilərinə tam hazır olduğunu, bütün tex­niki və təşkilati məsələlərin yerinə yetiril­diyini söyləyən Tahir Budaqov indiyədək seçki prosesinin gedişatı ilə əlaqədar hər hansı ciddi problemlərin olmadığını qeyd edib. 

Sonra Tahir Budaqov YAP-ın seçkilərə hazırlıq çərçivəsində gördüyü işlərə və seçki prosesinin gedişatına dair missiyanın üzvlərinin suallarını cavablandırıb. 

XQ