Fövqəladə Hallar Nazirliyinin “112” qaynar telefon xəttinə Bakı şəhəri, Binəqədi rayonunda yerləşən obyektdə yanğın baş verməsi barədə məlumat daxil olub. Xəbəri nazirliyin mətbuat xidməti yayıb.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub. Hadisə yerində əməliyyat şəraiti qiymətləndirilərkən yanğının ümumi sahəsi 2990 kvadratmetr olan ikimərtəbəli obyektin 1-ci mərtəbəsində baş verdiyi müəyyən edilib.
Yanğınsöndürənlərin çevik müdaxiləsi sayəsində yanğın genişlənməsinə imkan verilmədən qısa müddətdə söndürülüb. Yanğın nəticəsində boş boya qutuları, taxta və plastmas tullantıları 40kv.m. sahədə yanıb, obyektin böyük hissəsi yanğından mühafizə olunub.
Xəsarət alan yoxdur.
P.ƏMİRCANOV
XQ
