Milli Məclisə keçiriləcək seç­kilərdə çoxsaylı siyasi partiyanın iştirakı Azərbaycanda ədalətli və demokratik seçki mühitinin ol­duğunu təsdiq edən amildir. Na­mizədlər arasında təcrübəli si­yasətçilərlə yanaşı, gənclərin də sayının çox olması Azərbaycan cəmiyyətinin bütövlükdə seçkiyə diqqətindən qaynaqlanır. Təbii ki, bu da cəmiyyətin seçkilərinin şəf­faflığına inamının göstəricisidir”.

Bunu “Seçki 2024” Müstəqil Media Mərkəzinə açıqlamasında Qazaxıstan Jur­nalistlər Birliyinin üzvü Nasixa Qumar­kızı deyib. Qazaxıstanlı jurnalist bildirib ki, Azərbaycanda keçiriləcək seçkilərdə dünyanın hər yerindən beynəlxalq müşa­hidəçilərin iştirak etməsi ona olan diqqətin göstəricisidir: “Hesab edirəm ki, parlament seçkiləri ədalətli və demokratik ənənələrə uyğun keçiriləcək”.

N.Qumarkızı Azərbaycanda baş verən hadisələri yaxından izlədiyini deyib: “Azərbaycan qardaş ölkədir. Qarabağ, Şuşa, Xocalı mənə doğmadır. 30 illik işğa­la son qoyulduğuna görə indi Azərbaycan xalqı ilə birlikdə sevinirəm. Azərbaycan torpaqları işğaldan azad edildikdən son­ra yeni tarixi dövrə qədəm qoydu. İndi Qarabağı qurmaq, inkişaf etdirmək, azad edilmiş ərazilərdə şəhərlərin, rayonların, kəndlərin salınması prioritet hədəfdir. Bu baxımdan, Milli Məclisə seçkilərdə səsver­mə prosesinin ilk dəfə azad olunmuş əra­zilərdə də keçirilməsi, bu ərazilərə seçki hüququnun qaytarılması vacibdir”.